നൊടിക്കവിതകൾ
💠
സുനാമി
- കടലിനോട് കലഹിച്ച തിരകളെല്ലാം
- ഒരുനാൾ കടൽ വിട്ടോടി കരയിലെത്തി!
മെഴുകുതിരി
- കത്തിയാളിയ നാളങ്ങളറിയുമോ
- കരഞ്ഞു കൊണ്ടോടിയ കണ്ണീരുകളെ!
മാന്യത
- ഓടിച്ചു കടിയ്ക്കാൻ വരുമ്പോൾ
- തൂങ്ങി നില്ക്കാൻ ഒരു മരച്ചില്ല!
ദൈവം
- ഇമവെട്ടാത്ത നോട്ടം
- നിന്നെയുമെന്നെയും
- മനസ്സിലെ മസിൽ ഒന്നഴിച്ചു വിടൂ
- വാതിക്കലാരോ മുട്ടുന്നൂ!
കാലം
- കാലിട്ടടിച്ചതോർമ്മയില്ല
- മുട്ടിലിഴഞ്ഞതും;
- സങ്കടക്കരച്ചിൽ
- അന്നുമുണ്ടിന്നും.
മരണം
- അപ്പുറത്തേറെ പ്രിയപ്പെട്ടൊരാൾ
- കാത്തിരിക്കുന്നു
- ഇപ്പുറത്തേറെ പ്രിയപ്പെട്ടൊരാൾ
- കരഞ്ഞുകൊണ്ടേയിരിക്കുന്നു.
ജീവിതം
- നടന്നു നടന്നു
- കണ്ടു കണ്ടു
- വിണ്ടു കീറിയ കാലും
- കണ്ടുറങ്ങിയ കണ്ണുകളും!
എഴുത്ത്
- ഞാനൊറ്റക്കായപ്പോൾ
- എനിക്ക് വേണ്ടി വാദിക്കാൻ
- ഒരു വക്കീൽ
സ്വപ്നങ്ങൾ
- കുടിച്ചു വറ്റിച്ച കൈപ്പുനീർ
- കുഞ്ഞരുവിയായി ഒഴുകുന്നു.
ചർച്ച
- ഹാ ഹാ ഞാൻ ജയിച്ചു
- ഹോ ഹോ നീ തോറ്റു.
എസ്-എ
💠
No comments:
Post a Comment