വിധേയത്വം
©️
ഉയരത്തിലുയർത്തിയ പതാക
കാറ്റിൽ താഴെ വീണാൽ
ബലിക്കല്ലിൽ നിന്റെ
പേരെഴുതിവെക്കുന്ന
ഒരു പ്രാചീന ആചാരം ഇവിടെ
നിലവിലുണ്ട്.
കുലം നോക്കി
അക്കരെ കടത്തുന്ന
ഒരു തോണി നിന്റെ
വരവും കാത്തിരിക്കുന്നുണ്ട്.
രോഷത്തിന്റെ ഭാഷ
പട്ടികളിൽ നിന്നെങ്കിലും
കണ്ടു പഠിക്കണം
തടവറയിൽ നിന്നും
ശബ്ദമുണ്ടാക്കാതെ പുറത്തു കടക്കുക
നുറുങ്ങു വെട്ടം കാണുന്നിടത്ത്
പതിയിരിക്കുക.
തോണി ഉലഞ്ഞാടുന്നതും
ബലിക്കല്ല്
അപ്രത്യക്ഷമാകുന്നതും
നീ കാണും.
എസ്-എ
🔲
No comments:
Post a Comment