യുഎഇ ഗവ: ഉദ്യോഗസ്ഥരായ രണ്ട് പട്ല സ്വദേശികൾക്ക് ഗോൽഡൻ വിസ ലഭിച്ചു

യു എ ഇ ഗോൽഡൻ വിസ ലഭ്യമാകുക എന്നത് ഇന്ന് വളരെ അഭിമാനകരമായ ഒരു അംഗീകാരമായാണ് പൊതുവെ കണക്കാക്കപ്പെടുന്നത്.

വിവിധ മേഖലകളിൽ കഴിവ് തെളിയിച്ച വ്യക്തികൾക്കു യു എ ഇ നൽകുന്ന ഗോൾഡൻ വിസ 2019 ജൂണിലാണ് തുടങ്ങിയത്. 

ഉയര്‍ന്ന ആസ്തിയുള്ള നിക്ഷേപകർ, സംരംഭകര്‍, വിവിധ മേഖലകളിൽ കഴിവു തെളിയിച്ച പ്രതിഭകള്‍, ഗവേഷകര്‍, മികച്ച വിദ്യാര്‍ഥികള്‍, വിദേശരാജ്യങ്ങളിലെ പ്രശസ്തരായ വ്യക്തിത്വങ്ങൾക്കൊക്കെയാണ് ഇതു നൽകി വരുന്നത്.

പത്തു വർഷം കാലാവധിയുള്ള ഗോൽഡൻ വിസ ലഭിച്ചു കഴിഞ്ഞാൽ ദീര്‍ഘകാല ആസൂത്രണത്തോടെ യുഎഇയില്‍ പ്രവര്‍ത്തിക്കുകയും ജീവിക്കുകയും ചെയ്യാം എന്നതാണ് മെച്ചം!

യുഎഇയുടെ സാധാരണ വിസകള്‍ രണ്ടോ മൂന്നോ വര്‍ഷത്തിലൊരിക്കല്‍ പുതുക്കേണ്ടി വരുന്നുണ്ട്. എന്നാല്‍ ഗോള്‍ഡന്‍ വിസ കൈയിലുള്ളവര്‍ക്ക് മെഡിക്കല്‍ ഫിറ്റ്‌നസ് പരിശോധനയടക്കം പത്തു വർഷത്തിന് ശേഷം മാത്രമാണ് അതു വേണ്ടി വരിക. കൂടാതെ മറ്റുള്ളവർക്കില്ലാത്ത ഒരുപാട് ആനുകൂല്യങ്ങളും ഗോൽഡൻ വിസ ഉള്ളവർക്ക് ലഭ്യമാകുന്നു.

പട്ല സ്വദേശികളായ ജേഷ്ടാനുജന്മാരായ ഹാരിസ് കൊല്ല്യ, അസീസ് കൊല്ല്യ എന്നിവർക്കാണ് ഇതിന് മുമ്പ് ഗോൽഡൻ വിസ ലഭിച്ചത്.

ഇപ്പോൾ വൈദ്യശാസ്ത്ര രംഗത്തെ മികച്ച സേവനം പരിഗണിച്ച്‌ അഷ്റഫ് ഫാർമസി സ്രാമ്പിക്കൽ(S/O മൊയ്തീൻ കുഞ്ഞി ഹാജി), അബൂബക്കർ ഫാർമസി (S/O ഫക്രുദ്ദീൻ) എന്നിവർക്ക് കൂടി ഗോൽഡൻ വിസ ലഭിച്ചിരിക്കുന്നു.

ഗോൽഡൻ വിസ ലഭിച്ച എല്ലാവരെയും അഭിനന്ദിക്കുന്നു.  ഒപ്പം അത് ലഭിക്കാൻ വേണ്ടി ശ്രമം നടത്തുന്ന എല്ലാ പട്ലക്കാർക്കും വിജയാശംസകൾ നേരുന്നു. 

എസ്-എ

11/11/22

🔲