മതിലുകൾ

മതിലുകൾ 
==========
ചാനൽ ചർച്ചകളിൽ നിന്നും 
തെറിച്ചു വീഴുന്ന
വക്കു പൊട്ടിയ വാക്കുകൾ
ഇന്നോരാളും അന്ധംവിട്ടു
തുറിച്ചു നോക്കുന്നില്ല !
കരയാൻ പഠിച്ച കണ്ണുകൾ
ബലം പിടിച്ചു
സ്വയം അടഞ്ഞു പോകും
പേരില്ലാത്ത ബന്ധങ്ങൾ
നാടില്ലാത്ത കുതന്ത്രങ്ങൾ
ചില്ലലമാരകളിൽ
കാമം കരുതി വെച്ചിരിക്കുന്നു
ഒരു നിഷ്കളങ്ക ചിരി
നിങ്ങളെ ഒറ്റപ്പെടുത്തിക്കളയും
ഇവിടെ വാതിലുകൾ
അടഞ്ഞു കിടക്കും
ഉത്തരമില്ലാത്ത ചോദ്യങ്ങൾ
നിങ്ങൾക്ക് തടങ്കൽ വിധിക്കും
അതിരുകൾ നിശ്ചയിക്കപ്പെട്ടിരിക്കുന്നു
ശിക്ഷയും
മതിലുകൾ ഉയർന്നു ..ഉയർന്നു ..