🔲ഗാനം
രചന : *എസ്-എ-പട്ല*
💢

*നീല* നിലാവിന്റെ
പടിഞ്ഞാറെ മാനത്ത്
തളിർ തെന്നാലായ്
മലർ മഞ്ചലിൽ
ചെറിയ പെരുന്നാൾ വന്നല്ലോ.. (2)

പുണ്യത്തിൻ പൂമരം തീർത്തൊരോ സജ്ജനം
ജന്നാത്തിൽ ഭവനങ്ങൾ
തീർക്കുന്നു റമദാനിൽ

റമദാനിൻ പുണ്യങ്ങൾ
ചൊരിയുന്നു മന്നവൻ
സ്വർഗകവാടങ്ങൾ
തുറക്കുന്നു നമുക്കായ്

*നീല* നിലാവിന്റെ പടിഞ്ഞാറെ മാനത്ത്
തളിർ തെന്നാലായ്
മലർ മഞ്ചലിൽ
ചെറിയ പെരുന്നാൾ വന്നല്ലോ..

ആഘോഷ രാവിന്റെ
ആമോദ രാവിന്റെ
ആനന്ദ ഇശലുകൾ
പെയ്യുന്നു വീടെങ്ങും

വ്യാധികൾ മാറിടും
ആധികൾ നീങ്ങിടും
റഹ്മത്തിൻ വാതിൽ
നമുക്കായ് തുറന്നിടും

*നീല* നിലാവിന്റെ പടിഞ്ഞാറെ മാനത്ത്
തളിർ തെന്നാലായ്
മലർ മഞ്ചലിൽ
ചെറിയ പെരുന്നാൾ വന്നല്ലോ..

ശാന്തി പുലർന്നിടും
നന്മകൾ പെയ്തിടും
ഈദിന്റെ പരിമളം
ലോകം നിറഞ്ഞിടും

ശവ്വാലിന്നമ്പിളി വാനിൽ തെളിഞ്ഞിടും
തക്ബീർ മുഴങ്ങിടും
സ്നേഹം ജയിച്ചിടും

*നീല* നിലാവിന്റെ പടിഞ്ഞാറെ മാനത്ത്
തളിർ തെന്നാലായ്
മലർ മഞ്ചലിൽ
ചെറിയ പെരുന്നാൾ വന്നല്ലോ..

⬛