അദ്രാൻച്ച ഒരു നല്ല മനുഷ്യനായിരുന്നു!

🔲

ജീവിതത്തിൻ്റെ താളം തെറ്റിപ്പോയ, എല്ലാ ഓർമ്മകൾക്കും അവധി കൊടുത്തു ഒറ്റക്ക് അലയാൻ നിശ്ചയിച്ച ചില മനുഷ്യരുണ്ട്.  നമ്മുടെ മുന്നിലൂടെ നമ്മിൽ നിന്നും തികച്ചും വ്യത്യസ്തമായി ചിന്തിക്കുകയും വ്യത്യസ്തമായ വഴി സ്വീകരിക്കാൻ വിധിക്കപ്പെടുകയും ചെയ്ത മനുഷ്യർ.

ആരോരുമില്ലാതെ

ഒറ്റക്കായി എന്നതിനുമപ്പുറം

മറവിയുടെ മായാലോകത്ത് അലക്ഷ്യമായി നടന്നു പോയവർ, ഇതുപോലുള്ള അനേകം മനുഷ്യരുണ്ട്.   നമ്മെപ്പോലെ പച്ചക്കരരുള്ള അവരെ നാം മാനസിക രോഗികൾ എന്നു വിളിച്ചു.  അവരെ പലപ്പോഴും പലരും അവഗണനയുടെ അകലങ്ങളിൽ വെയിലത്തു നിർത്തി. അവരെ പരിഗണിച്ചു പരിപാലിച്ച നല്ല മനുഷ്യരെയും ഓർക്കുന്നു.

ജീവിതത്തിൽ ആഗ്രഹങ്ങളും

അഭിലാഷങ്ങളും  സഫലീകരിക്കാതെ പോയ നിരാലംബരായ ഈ മനുഷ്യരെ സ്വന്തം സ്ഥാനത്ത് പ്രതിഷ്ഠിച്ചു നോക്കിയിട്ടുണ്ടോ?

എങ്കിൽ നമ്മൾ കൂടുതൽ സങ്കടപ്പെടുകയും

കുറച്ചു മാത്രം സന്തോഷിക്കുകയും ചെയ്യും! 

ജീവിതമെന്നത് കുറച്ചു മണിക്കൂറുകൾ മാത്രമാണെന്നു നാം തിരിച്ചറിയും. എല്ലാ വിഭജനങ്ങൾക്കുമപ്പുറത്ത് മനുഷ്യരെ നാം പരിഗണിക്കും. ആ ഒരു ഏകകത്തിൽ നാം ഒന്നിക്കും.

അദ്രാൻച്ചയെ എനിക്കിഷ്ടമായിരുന്നു.  ഒരിക്കൽ പോലും അദ്ദേഹത്തെ കളിയാക്കിച്ചിരിച്ചിട്ടില്ല...

അദ്ദേഹത്തിനു വേണ്ടി പ്രാർത്ഥിക്കുന്നു..

നാഥൻ സ്വർഗകവാടം തുറന്നിട്ടു അദ്ദേഹത്തെ സന്തോഷത്തോടെ സ്വീകരിക്കട്ടെ...

വൈക്കം മുഹമ്മദ് ബഷീർ തനിക്കേറ്റവും പ്രിയപ്പെട്ടവർക്ക് നൽകുന്ന ഒരു കോപ്ലിമെൻ്റുണ്ടായിരുന്നു.  "അവൻ ഒരു നല്ല മനുഷ്യനാണ്" എന്നതായിരുന്നു അത്. അദ്രാൻച്ചയെ കുറിച്ചുപറയാൻ ഞാനാ വാക്കുകൾ കടമെടുക്കുന്നു. 

"അദ്രാൻച്ച ഒരു നല്ല മനുഷ്യനായിരുന്നു"

🔲